طريقة عمل مكرونه بشامل باللحمه
الخطوات
- 1
نبتدى بتجهيز اللحمه ونجيب ا لبصله نخرطها صغير ونحط شويه زيت ونشوحها ولما تذبل نحط عليها اللحمه ونضع التوابل بتاعتى.
- 2
ونعصج اللحمه كويس وبعد كدا نحط عليها كام ملعقه صلصه مش كتير بس علشان تبقى لينه معايا فى التوزيع.
- 3
وفى طاسه تانيه نحط شويه زيت وتضرب فى الخلاط صلصه مع البصله مع الفلفل الرومى و نضربهم كويس ونحطهم على الزيت اللى فى الطاسه ونضبط الملح والفلفل الاسود بتاعها ونسبها تغلى يعنى تتخن شويه وناخد حوالى ملعقه من اللحمه المتعصجه ونحطها عليها ولما تتسبك نطفى عليها.
- 4
نبتدى تسلق المكرونه ماتسوهاش جامد يادوبك تلت أربع سوا.
- 5
ونصفبها بس مانشطفهاش خالص ونرجع نحطها فى الحله تانى بعد ما اتصفت.
- 6
نجهز البشاميل: نجيب طاسه ونحط فيها السمنه ونحط عليها الدقيق ونشوحها شويه مع السمنه ولازم يكون اللبن و الشوربه سخنين ونحط عليها اللبن واحده واحده مع التقليب بالمضرب اليدوى علشان ماتكلكعش ونهدى النا ولو احتاجت شوربه نحط حسب الاحتياح ونطفى ولازم يكون القوام مناسب مش خفيف وتخين بس مش قوى.
- 7
وبعد مايبرد البشامل نضرب فيه البيض ونضبط الملح والفلفل.
- 8
بعد كدا نسخن الفرن على اعلى حراره ونجهز الصينيه وتقديري هى مقاس30 وندهنها زيت ونرش عليه شويه بقسماط فى الصينيه من تحت.
- 9
نجيب كام ملعقه بشامل ونحطها فى الحله على المكرونه ونقلبها ونجيب الصلصه اللى عملتها بالفلفل والبصل ونحطها عليها علشان تبقى المكرونه حمرا.
- 10
ونحط نص المكرونه فى الصينيه وتوزعيها كويس ونوزع عليها اللحمه المتعصجه
- 11
ونرش على خفيف خطوط من البشامل فوق اللحمه.
- 12
ونحط النصف التانى من المكرونه ونحط فوقها على الوش البشامل ويبقى مغطيها كلها
- 13
بعد كدا نحطها فى الفرن على الصاج من تحت الأول حوالى 10دقايق.
- 14
وبعد كدا نحطها على الشبكه اللى فوق الصاجه ونسيبها لحد اما تستوى و تاخد لون ذهبى غامق من الوش ونطلعهاونريحها حوالى5 دقائق علشان تتقطع خرط مضبوطه وبالف هنا وشفا جربوها وقولولى رايكم.
وصفات مشابهة
-
-
طريقة عمل مكرونة بمكعبات اللحم طريقة عمل مكرونة بمكعبات اللحم
-
-
-
-
-
طريقة عمل مكرونة بكرات اللحم وصوص الطماطم طريقة عمل مكرونة بكرات اللحم وصوص الطماطم
مكرونة بكرات اللحم وصوص الطماطم، وصفة لا تقاوم بطعم ومذاق شهي، حضروها الأن بوقت قصير :)
emeram
وصفات ننصحك بمشاهدتها
التعليقات