صينية لسان عصفور بالفراخ
الخطوات
- 1
في حله على النار نحط ملعقة سمن ونضيف فيها الفراخ ونقلبها في السمن لحد ما تاخد لون ونخرجها من الحله
- 2
هنضيف في سمن تحمير الفرخه كوب كبيره لسان عصفور ونحمرها ونخرج اللسان بعد تحميره في طبق
- 3
نضيف عصير الطماطم في سمن تحمير الفراخ واللسان عصفور ونكون مجهزين فصوص ثوم وبصله متوسطه ونفرمهم مع بعض ونضيفهم للطماطم بعد ماتغلى شويه ونقلب الطماطم كويس لحد ماتتسبك
- 4
نضيف للطماطم ملح وفلفل اسود ونقلب كويس وبعد كده نضيف معلقتين صلصه ونقلب تانى كويس ونضيف الفرخه معاهم ونقلبها في التسبيكه كويس
- 5
نضيف كوباية ماء للحله ونسيبها تغلى على الفراخ لحد ما تلاقيها بقت مستويه شويه ولو لقتيها محتاجه ماء تانى زوديها شويه قليلين مع التقليب
- 6
بعد ماتظبطى قوام التسبيكه وتلاقى الفراخ بقت نص سوى هتحطى اللسان عصفور في الصينيه وتفرشيه كويس فيها وتضيفى عليه التسبيكه والفراخ وتدخليها الفرن لو لقيتى التسبيكه في الصينيه تخنت منك شويه ممكن تضيفى شوية ماء عليها عشان تتظبط وتسيبيها في الفرن مع المتابعه ودرجة حراره متوسطه
- 7
تتابعى الصينيه في الفرن ولو احتاجت ماء تزوديها بس بكميه قليله علشان ماتتعجنش
- 8
وده شكلها النهائى وبالهنا والشفا يارب تعجبكم
وصفات مشابهة
-
-
-
-
-
-
-
-
صينية الفريك بالفراخ صينية الفريك بالفراخ
تابعو كل وصفاتي على صفحتي على الفيس بوك https://www.facebook.com/WasafatNemo/
-
-
-
وصفات ننصحك بمشاهدتها
التعليقات (2)