زهرة (قرنبيط) بقطعا قطع كبيرة شوي عشان ماتتنتف معنا وقت السلق بطنجرة على النار بوضع ماء وبستنا لا تغلي بضيف عليا قليل من الملح وبنزل الزهرة بسلقا مدة ربع ساعة تقريباً وبصفيها كتير منيح عمصفاية وبتركن لا يبردو شوي

بصحن بخفق البيضة بضيف عليها الثوم وملح وكمون وكركم وبهار وبهار وبخلط مع قليل من الماء بنزل كل حبة زهرة (قرنبيط) بال خليط السائل وبرفعا بمسكا بين اصابعي لا ينزل الخليط شوي

بخلط مقدار من الطحين حوالي ملعقتين كبار معرمين والنشا مابكتر بضيف كل مرة ان خلص مقدار الدقيق وبضيف عليه قليل من الملح والكمون والكركم والبهار وبخلط بنزل حبة الزهرة على الدقيق بعمل حوالي ٤وبنزلن على الزيت الغزير والحامي مسبقا ان حسينا الزهرة تشربت الطحين برد بنزلن بلطحين مرة تاني

ملاحظة كتير مهمة خليط صلصة التغميس الزهرة قليل على حبة زهرة (قرنبيط) كاملة انا قسمت الزهرة بلنص ومع زلك خلصت الكمية وعملت مقدار تاني