نخلط مكونات العجينة زيت زبدة و حليب بشرط كمية المقادير تكون متساوية و نضيف فانيلا و نجمع بالفرينة نتحصل على عجينة نخليها ترتاح

بالنسبة للحشو نخلط كل المقادير المذكورة و نجمع بماء زهر و يكون الكوكاو مرحي رقيق حتى نتحصل على خليط متماسك

نشكل التشاراك و نديروا يطيب (يستوي) كي يطيب (يستوي) نخليه يرتاح و نشمخوا بماء زهر و نرمدوا فسكر ڨلاصي ونكرر العملية

ملاحظة: كي نشكل التشاراك من الاحسن نتقبوا في الوسط تقب خفيف حتى يحافظ على الشكل ديالوا