طبعاً نغسل الفراخ كويس جداً وبعدين نضع كل المكونات بتاعه الخليط عالفراخ (الزبادي، القرفه، الملح، الفلفل الأسود، عصير نص ليمونه وخل وزيت وبابريكا والثوم بودرة والبصل بودرة) ونقلب الفراخ جيداً مع هذا الخليط ونتركها في الثلاجه مده لاتقل عن 3 ساعات

بعد ما نخرجها من الثلاجه في طاسه فيها سمن او زيت وننزل بالفراخ بتاعتنا ونتركها تتشوح وبعد كده ننزل عليها ببصل متقطع شرائح رفيعه ونتركها قليلا تتشوح مع البصل وبعد كده ننزل بفلفل أخضر او الوان حسب المتوفر ونتركها تستوي لغايه ما نحس انها شربت كل الخليط بتاعنا ولو عايزين نضيف طماطم يبقى نصف طماطم صغيرة نقطعها صغير ونحطها في الاخر ونطفى النار على طول على الشاورما وبالهنا

بالنسبه للعيش اللي موجود حوالين الشاورما ده عيش شامي قطعته وحمرته في سمنه لغايه ما لونه اتغير وقرمش ورشيت عليه رشه ملح خفيفة