(مخسخس لخم وحنيد)
نسلق اللخم ونشيل الرمل من الجلد بهذا الشكل ما يطول غلوة وحدة بس عشان ما يتفتت
نحط زيت في القدر ونحط البصل والحنيد المدقوق
نغسل الرز وننقعه
نضيف البطاطس المقشرة المقطعة اثلاث على البصل والحنيد
اذا تحمر البصل نضيف الطماطم المبشورة والثوم المدقوق مع البهارات واللخم والفلفل الاخضر واذا فيه عشار سادة او احمر حطي حبة
هذي علبة البهارات المشكلة الصحيحة حطوا الى تبون من انواع البهارات
نضيف ملعقة صلصة وشوي من ماء سلق اللخم بعد ما نصفيها والا الماء عادية ماتفرق ونخليه يتسبك 10 دقائق
نطلع اللخم وشوي من الكشنة في صحن عشان ما يتفتت مع كثرة الطبخ نخلي قطعة ولا قطعتين عشان النكهة وان تفتت عادي
نزود الماء حسب مقدار الرز ونذوق الماء اذا احتاج ملح حطي اذا اكتفيتي بحموضة العشار وموية سلق اللخم خلاص لاتحطين ملح
نضيف الرز ونخليه يغلي على نار عالية بعدين نهديها على الاخير حتى يستوي
اذا استوى نحط اللخم على الوجه يسخن مع حرارة الرز
اذا برد شوي وتناثرت حبات الرز يقدم
الفتاه المحبوبه
تمّ نسخ الرابط!
وصفات ننصحك بمشاهدتها
التعليقات (2)