गाजर सालून घेणे. गाजर,कांदा,सिमला मिरची,कोबी उभे पातळ कापून घेणे. हिरव्या मिरच्या बारीक चिरून घेणे. आलं-लसूण किसून घ्यावे. बारीक चिरून घेतले तरी चालेल.

गॅसवर पॅन गरम करत ठेवावा. तेल घालणे. तेल तापले की, आलं-लसूण,हिरव्या मिरच्या घालून परतणे.

कांदा घालून 1/2 मिनिटे परतवून घ्यावे. नंतर गाजर परतावे. सिमला मिरची व कोबी घालून परतावे. मध्यम आचेवर गॅस ठेवून सर्व परतणे. भाज्या जास्त शिजवायच्या नाही.

सोया साॅस,टोमॅटो सॉस,घालून परतणे.

काळीमिरी पावडर,मीठ व शेजवान चटणी घालून हलवून घेणे. व्हिनेगर शेवटी घालून मिक्स करून घेणे.गॅस बंद करावा. कांदयाची पात वरून टाकावी. मिश्रण थंड होण्यासाठी ठेवावे.

एका वाटीत 1 टेबलस्पून मैदा घेणे. थोडे-थोडे पाणी घालून घट्ट पेस्ट करून घेणे. एक स्प्रिंग रोल शीट घेणे. त्यावर एक चमचा तयार मिश्रण घालून एक बाजू ठेवून घ्यावी.

वरच्या सर्व बाजूंनी मैदयाची पेस्ट लावून घेणे. दोन्ही बाजूंनी दुमडून घ्यावे. नंतर रोल करून घेणे. अशाप्रकारे सर्व रोल करून घेणे.

गॅसवर कढईत तेल तापत ठेवावे. तेल तापले की गॅस मध्यम आचेवर ठेवून सर्व तयार रोल तळून घ्यावेत.

गरमागरम व्हेज स्प्रिंग रोल टोमॅटो सॉस बरोबर खावे.