तांदूळ व डाळ स्वच्छ निवडून व पाण्याने 2-3 वेळा स्वच्छ धुवून घेणे.

कांदा व टोमॅटो बारीक चिरून घ्यावेत. कोथिंबीर ही चिरून घेणे.

कढईत तेल गरम करत ठेवावे. तेल तापले की, त्यात जीरे-मोहरी, मीरे, तमालपत्र घालून चांगले परतवून घेणे. नंतर कांदा घालून गुलाबी सर भाजून घेणे. टोमॅटो घालून परतून घेणे. टोमॅटो चांगले परतवून घेणे.

खोबरे - लसूण पेस्ट,सर्व मसाले घालून 3-4 मिनिटे परतणे. मीठ घालणे. तांदूळ घालून परतवून घेणे.

नेहमी पेक्षा थोडे जास्त पाणी घालावे. उकळी येऊ देणे. उकळी आल्यावर दही घालून हलवून घेणे.

नंतर साजूक तूप घालून हलवून घेणे. गॅस मंद आचेवर ठेवून खिचडी शिजू द्यावी. 20-25 मिनिटे लागतात. अधूनमधून हलवून घेणे. शेवटी एकदम कमी म्हणजे थोडेसेच पाणी राहिले की गॅस बंद करावा. झाकण ठेवून वाफेवर होऊ द्यावे.

खायला घेताना वरून कोथिंबीर टाकून सर्व्ह करावे. सोबत कोणतेही लोणचे, पापड घ्यावे.