पराठेसाठी कणीक भिजवून घेऊ. त्याकरता एका भांड्यात कणीक घेऊन त्यात मीठ आणि अर्धा टेबलस्पून तेल टाकून मिक्स करून घ्यावे. आणि पाण्याने थोडे कडक भिजवून घ्यावे. भिजलेल्या कणकेवर अर्धा टेबलस्पून तेल टाकून मळून घ्यावे.आणि 15 ते 20 मिनिटे झाकून ठेवावे.

पराठ्याला लावण्यासाठी तूप साखर मीठ आणि वेलची पावडर एकत्र करून त्याचे मिश्रण तयार करून घ्यावे.

पंधरा ते वीस मिनिट झाल्यानंतर पुन्हा एकदा कणिक मळून घ्यावी. त्याचे दोन भाग करावे. एक भाग घेऊन त्याचा गोळा बनवून त्याची पातळ पोळी लाटून घ्यावी.लाटलेल्या पोळीवर तूप साखरेचे तयार केलेले मिश्रण लावावे.

पसरवलेल्या मिश्रणावर थोडी कणिक भुरभुरावी. त्यानंतर झिगझाग पद्धतीने पोळी ची फोल्ड करून घ्यावी व त्याचा गोळा करून घ्यावा. हलक्या हाताने हा गोळा लाटून घ्यावा. म्हणजे लाटलेल्या पराठ्याचे लेअर्स दिसतील.

पराठा करे पर्यंत गॅसवर तवा ठेवून गरम करावा. गरम झालेल्या तव्यावर, तयार केलेला पराठा टाकावा. वरून तूप सोडावे. आणि दोन्ही बाजूने छान खरपूस भाजून घ्यावा.

अशाप्रकारे पराठे तयार करून घ्यावे. आता हे तयार पराठे गरमागरम दही किंवा लोणच्या सोबत सर्व्ह करण्यास तयार आहेत. छान खुसखुशीत होतात हे पराठे..