ஒரு பௌலில் ரவை,மைதா,உப்பு,எண்ணெய் மற்றும் தண்ணீர் ஊற்றி நன்கு பிசைந்து கொள்ளவும்.

பின் சப்பாத்தி காட்டையால் மாவை தேய்த்து சிறிய வட்ட வடிவில் பூரி செய்து கொள்ளவும்.

ஒரு கடாயில் எண்ணெய் ஊற்றி காய்ந்ததும், பொரித்து எடுக்கவும்.

ஒரு மிக்ஸி ஜாரில் புதினா,மல்லி தழை, இஞ்சி,பச்சை மிளகாய் மற்றும் சிறிது தண்ணீர் தெளித்து அரைத்து கொள்ளவும்.

உருளைக்கிழங்கு மற்றும் கொண்டை கடலையை வேக வைத்து மசித்து கொள்ளவும். பின் அதில் மிளகாய் தூள், சீரக தூள்,சாட் மசாலா,உப்பு மற்றும் மஞ்சள் தூள் சேர்த்து கிளறி கொள்ளவும்.

தயிரை சர்க்கரை சேர்த்து நன்கு அடித்து கொள்ளவும்.

புளியை தண்ணீர் ஊற்றி 1/2 மணி நேரம் ஊற வைத்து, பின் அதை நன்கு பிசைந்து வடித்து கொள்ளவும்.

பின் அதை ஒரு கடாயில் ஊற்றி நன்கு வற்றி(திக்) வரும் வரை காய்ச்சி, அதில் சாட் மசாலா, மிளகாய் தூள் மற்றும் சர்க்கரை சேர்த்து கலந்து இறக்கவும்.

பின்பு ஒரு தட்டில் சின்ன பூரிகளை வைத்து,அவற்றின் நடுவே லேசாக ஓடைத்துவிட்டு,அதனுள் உருளைக்கிழங்கு கலவையை வைக்கவும்.

பிறகு அவற்றின் மேல் நறுக்கிய வெங்காயம்,தக்காளி,ஓமப்பொடி சேர்த்து,புதினா மல்லி சட்னி,புளி சட்னி மற்றும் தயிர் கலவை ஊற்ற வேண்டும்.

கடைசியில் அதன் மேல் மிளகாய் தூள், சாட் மசாலா,சிறிது தயிர் மற்றும் மல்லி தழை தூவி பரிமாறவும்.