எண்ணை கத்திரிக்காய் குழம்பு

முதலில் வெந்தயம் கொத்தமல்லி கடலைப்பருப்பு நிலக்கடலை தேங்காய் துருவல் இவற்றை வறுத்து சூடு ஆறியதும் மிக்ஸியில் அரைத்து வைக்கவும். மூன்று தக்காளியை மிக்ஸியில் அரைத்து வைக்கவும்.

வாணலியில் கால் டம்ளர் நல்லெண்ணெய் ஊற்றி கத்தரிக்காயை நன்கு வதக்கி எடுத்து தனியாக வைக்கவும். அதே எண்ணெயில் கடுகு வரமிளகாய் கருவேப்பிலை வெங்காயம் சேர்த்து நன்கு வதக்கவும்.

அதோடு தக்காளி விழுதை சேர்த்து நன்கு வதக்கவும். பிறகு அரைத்த கொத்தமல்லி விழுதை சேர்த்து வதக்கவும்.

குழம்பிற்கு தேவையான தண்ணீர் ஊற்றி வதக்கி வைத்துள்ள கத்திரிக்காயை சேர்த்து நன்கு கொதிக்க வைக்கவும்.

அடுப்பிலிருந்து இறக்கிய பின் பெருங்காயத்தூள் சேர்த்து பரிமாறவும்.