முதலில் தேவையான பொருட்களை எடுத்து வைத்துக்கொள்ளவும், பின்னர் கடாய் நன்கு காய்ந்தவுடன்,கடாயில் 2 டீஸ்பூன் சமையல் எண்ணெய் ஊற்றி காய்ந்தவுடன்,
1/2 டீஸ்பூன் கடுகு, 1/2 டீஸ்பூன் வெந்தயம் சேர்த்து வனக்கவும்.

கடுகும், வெந்தயமும் பொறிந்தவிடன் அதனுடன் கறிவேப்பிலையையும், நறுக்கி வைத்துள்ள சிறிய வெங்காயத்தையும் சேர்த்து பொன்னிறமாக நன்கு வதக்கவும்.பின்பு அதனுடன் நறுக்கி வைத்துள்ள தக்காளியை சேர்க்கவும்.

தக்காளியை நன்கு வெங்காயத்துடன் சேர்த்து மசிய வதக்கவும்,நன்கு வதங்கியவுடன் அதனுடன் வெட்டி வைத்துள்ள 3 முருங்கைக்காய், 1/2 டீஸ்பூன் மஞ்சள் தூள்,தேவைக்கேற்ப உப்பு சேர்த்து வதக்கவும்.

முருங்கைக்காய் வணக்கியவுடன், அதனுடன் கரைத்து வைத்துள்ள ஒரு நெல்லிக்காய் அளவு புளி தண்ணீரை ஊற்றவும்,பின்பு மூடி போட்டு முருங்கைக்காய், புளி தண்ணீருடன் நன்று கொதிக்க விடவும்.

மூடி போட்டு முருங்கைக்காய் வனங்கி கொண்டிருக்கும் போது, 1/2 மூடி தேங்காய் துருவல், 6 பற்கள் பூண்டு, 3/4 டீஸ்பூன் சீரகம் இவை அனைத்தையும் மிக்ஸியில் போட்டு அரைத்து கொள்ளவும்.

அரைத்து வைத்திருக்கும் கலவையுடன் குழம்பு மிளகாய் பொடி சேர்த்து கலக்கவும்,கலக்கிய கலவையை கடாயில் வெந்து கொண்டிருக்கும் முருங்கைக்காய் உடன் ஊற்றி கலக்கவும்.

கடாயில் ஊற்றிய கலவைகளை நன்கு கலந்து விட்டு பின் தேவையான அளவு தண்ணீரை சேர்த்து மூடி போட்டு கொதிக்க விடவும்.

மூடி போட்டு நன்கு கொதித்த பிறகு சேர்த்த கலவைகளுடன், முருங்கைக்காய் நன்கு வெந்து விட்டதா என்று பார்த்து விட்டு மல்லி இலைகளை தூவி, மனம் வீசும் முருங்கைக்காய் பொரிச்சா குழம்பை அடுப்பில் இருந்து இறக்கி விடவும்.குழம்பு தயார்.