முதலில் ஒரு பாத்திரத்தில் மைதா, சர்க்கரை, உப்பு சேர்த்து நன்றாக கலந்த பின் சிறிது சிறிதாக தண்ணீர் ஊற்றி நன்றாக மிருதுவாக பிசைந்து கொள்ளவும்.. அதன் மேல் எண்ணைய் தடவி நன்றாக ஒரு மணி நேரம் ஊற வைக்கவும்...

ஒரு மணி நேரம் நன்றாக ஊறிய பிறகு அதை சிறு சிறு உருண்டைகளாக பிரித்து உருட்டி எடுத்து அதை மீண்டும் ஒரு மணி நேரம் ஈரத்துணியால் மூடி ஊற வைக்கவும்..

ஒரு மணி நேரம் கழித்து அதை நன்றாக மெல்லியதாக தேய்த்து அதை கத்தியால் நீள நீளமாக படத்தில் காட்டியவாறு வெட்டவும்.. அதன் பிறகு அதன் மேலே நன்றாக எண்ணெய் தேய்த்து அதன் மேல் சிறிது மைதா மாவை தூவி அதை ஒன்றாக சேர்த்து உருட்டி வைக்கவும்..

இப்போது தவா சூடானதும் நாம் உருட்டி வைத்துள்ள புரோட்டாவை கையால் லேசாக தட்டி தோசை கல்லில் இருபுறமும் நன்றாக வேகவிட்டு எடுக்கவும்..

இதில் நான் முட்டை எதுவும் சேர்க்கவில்லை உங்களுக்கு தேவைப்பட்டால் நீங்கள் முட்டை சேர்த்துக் கொள்ளலாம் அது இன்னும் மிருதுவாக இருக்கும்.. இப்போது சூடான சுவையான நூல் பரோட்டா தயார்..