முதலில் சிக்கனில் சேர்க்க வேண்டிய பொருட்களை சேர்த்து ஒரு மணி நேரம் நன்றாக ஊற வைக்கவும்

வறுத்து அரைக்க வேண்டிய பொருட்களை எல்லாம் எண்ணெய் விடாமல் கடாயில் பொன்னிறமாக வறுத்தெடுக்கவும்..

தேங்காயும் நன்றாக நிறம் மாறும் அளவு வறுத்தெடுத்துக் கொள்ளவும்..

வறுத்தெடுத்த பொருட்களை முதலில் அரைத்து விட்டு பிறகு நன்றாக வறுபட்ட தேங்காயும் சேர்த்து நன்றாக அரைத்துக் கொள்ளவும்

கடாயில் எண்ணெய் விட்டு கருவேப்பிலை தாளித்து அதில் வெங்காயம் சேர்த்து நன்றாக வதக்கவும்.. வெங்காயம் பொன்னிறமாக வதங்கியதும் அதில் இஞ்சி பூண்டு விழுது சேர்த்து வதக்கவும்..

இஞ்சி பூண்டு வதங்கியதும் அதனுடன் தக்காளி சேர்த்து வதக்கி அதுவும் வதங்கியதும் அதனுடன் மிளகாய் தூள் சேர்த்து நன்றாக வதக்கவும்..

எல்லாம் வதங்கியதும் அதனுடன் நாம் அரைத்து வைத்துள்ள பொடியையும் சேர்த்து நன்றாக நிறம் மாறும் அளவு வதக்கிக் கொள்ளவும்..

சிக்கனை சேர்த்து இரண்டு நிமிடம் வதக்கியதும் தேவையான அளவு தண்ணீர் விட்டு சிறிதளவு உப்பு சேர்க்கவும் நாம் ஏற்கனவே சிக்கன் ஊற வைக்கும்போது உப்பு சேர்த்து உள்ளோம். அதனால் பார்த்து சேர்த்துக் கொள்ளவும்..

உப்பு சேர்த்த பின்னர் மிதமான தீயில் 15 நிமிடங்கள் வேக வைக்கவும்..

இறுதியாக எண்ணெய் பிரிந்து வரும்போது புதினாவை சேர்த்து இரண்டு நிமிடங்கள் கொதிக்க விட்டால் அதன் வாசனை நன்றாக இருக்கும்..

இப்போது சூடான சுவையான செட்டிநாடு சிக்கன் கிரேவி தயார் இது எதனுடனும் சுவைக்க அருமையாக இருக்கும்..