هنحط كوب العدس في ماء و نسيبه على النار يغلي لحد ما يستوي🍵

فحله تانيه هنحط الزيت او السمنه او الزبده حسب الرغبه و ننزل عليها البصل متقطع و الملح و نقلبه لحد ما لونه يكون شفاف و بعدين نحط عليهم الثوم و نقلب لحد ما نشم ريحه البصله بالثوم🧅🧄

هنحط الفلفل الاسود و الكمون و الشطه او الفلفل الحامي متقطع او مفروم و ممكن ماجي حسب الرغبه و نقلب تقلبتين🥄

هنحط بعد كدا الصلصة اللي كنا ضاربينها في الخلاط و ربع كوب ماء و نسيبهم يتسبكوا (اول ما السمنه او الماده الدهنيه تطلع على وجه يعني الاكل كدا اتسبك و بقى تمام👌🏻)

هنصفي بقى العدس اللي كنا بنسلقه (طبعاً يكون استوى) و هنضيفه على الصلصة و نخفف النار و نسيبه ياخذ غلوتين و بعد كدا نطفي عليه و بالف هنا❤️❤️