بقلب مكعبات الدجاج لحد ما يتحمروا وبرجع بشيلهم من المقلى وبحط مكانهم بصلة مفرومة ناعمه بدبلها وبحط معها الفطر وبقلبهم لحد الاستواء وبحط عليهم فلفل اسود وملح والماجي وبعدها بحط الكريمة الجاهزة أو الي أنا عامليتها وبحط كاسة حليب وبخليهم يتسبكوا مع بعض وبعدها بحط مكعبات الدجاج الي شلتهم بكون سالقه المعكرونه وبديرها فوق الخلطه وبقلبهم مع بعض لحد ما يتجانسوا واخر شي بحط بقدونس مفروم ناعم ورشه الموزوريلا أو القشقوان...
وصحتييين

طريقة الكريمة البيتيه ومتل الجاهزة تماما..
بالخلاط بحط كاستين حليب سائل كامل الدسم وبحط معلقتين نشا ومعلقه طحين وبياض بيضة ومعلقتين زبدة وبخلطهم مع بعض وبعدها بديرهم بطنجره على الغاز وبخليهم يغلوا غلوه وحده بس وبعدها برجعهم على الخلاط وبحط معهم علبة قشطة أو قيمر وبرجع بخلطهم وهيك الكريمة جاهره لاي وصفه بتحتاج كريمة طبخ ومصالحه للاستخدام لمده عشر ايام..
وصحتين وعافية..
لا تنسوني من صالح دعائكم