بقطع الفليلفه الحمرا والفلفل والبصل لمكعبات وبحطهم بصينيه وبحط الثوم وبرش عليهم شويه زيت وبحطهم بالفرن عالشوايه من فوق لحد ما يتحمروا وصيروا مشويات بعدها بفرمهم في محضرة الطعام وبحط عليهم ملعقة سكر ومعلقه ملح..

بطنجرة على الغاز بحط بصلة كبيرة مفرومة ناعمه وبحمرها بالزيت لحد ما يصير لونها ذهبي غامق وبعدها بحط عليها الخليط الفليفله وبحركهم مع بعض وبحط عليهم بابريكا ملعقة كبيره وملح وفلفل اسود وبهارات وبكيت ماجي بودرة وبقلبهم مع بعض وبعدها بكون غاسله الدجاج منيح وبحطه مع الخليط وبقلبهم شوي مع بعض وبعدها بدير ماء عليهم لحد ما تغمرهم شوي..

بس يستوي الدجاج بشيله من المرقه وبحط الارز على المرقه وبحركهم مع بعض طبعاً بدنا نشوف اذا المطرقه كتير ولا لا لازم ننتبه أنه المرقه تكون فوق الرز بشوي لحتى ما يخبص وبشوف ملحه وبهاراته اذا مزبوطين أو لا وبحركهم وبس تغلي المطرقه على الرز برحكهم كمان مره وبخفف الغاز وبظل كل فتره احركهم لانه هاي الخلطه بتخلي الرز يلزق بدنا ننتبه لهاي النقطه..

بحط الدجاج بصينيه وبحضر خليط التحمير بحط بصحن زيت وبابريكا حمرا ملعقة صغيرة وبحط ملح وفلفل اسود وبحط بطرف المعلقه ملون طعام برتقالي أو احمر زي ما بدكم وبخلطهم مع بعض ووبحطهم على الدجاج وبحمره من فوق ومن تحت..

بس يستوي الرز بخليه مغطه عليه لمده عشره دقائق وبعدها بقدمه وبحط فوقه الدجاج وبزينه حسب الرغبة...