اخلطي مقادير الحشوة ولفيها بورق العنب

حطي بقاع الطنجرة بطاطا مقطعه دوائر وحلقات ليمون وممكن تحطي لحمه او دجاج او لسانات ولحمة راس أو فوارغ او حتى كوسا محشية ؛ حسب رغبتك (انا جربت كل هدول وكلهم طيبين 🤤👌)

رصي ورق العنب فوق الطبقه ياللي حطيتيها من اختيارك

بتصبي كاسة الزيت فوق الورق وبتزيدي ماء مغلي لحتى يغمر الورق مع شوية ملح حسب الرغبة بالملوحه ؛وحطي عليها ثقل (ممكن صحن زجاج حراري يكون اصغر من الطنجرة بشوي)؛وبس ياخد اول غلوة وطي تحتو وغطيه مدة ساعه وربع اقل شئ، بدون ما تفتحي عليه مشان ما يصير لونو اسود

بعد م يمرق الوقت ،بتتأكدي من الورق اذا استوى او لأ.. في حال استوى بتجيبي الطنجرة وبتصفي منها باقي الماء تبع الطبخه اذا باقي عليها، وبتخلطيه مع عصير الليمون وبترجعي بتصبيه فوق الورق وبتخليها شوي على النار تغلي لحد م تحسي انو اخد النكهه ونشفت عنو الماء شوي ،، (اذا ما عليها ماء بتصبي ربع كوب ماء مغلي على الليمون وبتضيفيه بنفس الطريقه)

اقلبيها وقدميها وصحتين 😍😋💔

ملاحظه : نسبة الأرز واللحمه بتكون لكل مقدار رز نص المقدار لحمة مفرومه... ولكن حسب ذوق الشخص ممكن زيادة اللحمه او التنقيص منها ما بأثر فهذه ترجع للذوق 😋👌