સૌ પ્રથમ ત્રણેય દાળ ને ભેગી કરી ધોઈ લેવી અને તેને કુકર માં મીઠું,હળદર અને પાણી ઉમેરી 3-4 સીટી વગાડી બાફી લેવી.

પછી તેના વઘાર માટે ની તૈયારી કરી લેવી. એક વાટકી માં લાલ મરચું પાઉડર, ધાણાજીરુ, હળદર, ગરમ મસાલો,તેલ અને ગરમ પાણી ઉમેરી બરોબર મિક્સ કરી પેસ્ટ બનાવી લેવી.

હવે એક કડાઇ માં ઘી ગરમ કરી તેમાં લવિંગ, તજ, બાદીયા નું ફૂલ, સુકું લાલ મરચું, જીરુ, લીલા મરચાં, મીઠા લીમડાનાં પાન અને હીંગ નો વઘાર કરી તેમાં ટામેટાં અને આદુ નાખી સાંતળો.

તેલ છુટું પડે પછી તેમાં મસાલા ની પેસ્ટ અને મીઠું ઉમેરી બરોબર મિક્સ કરી તેલ છુટું પડે ત્યા સુધી સાંતળો. પછી તેને બાફેલી દાળ માં ઉમેરી મિક્સ કરી લો.

હવે દાળ ને ઉકાળો. પછી તેમાં લીંબુ નો રસ અને કોથમીર ઉમેરી મિક્સ કરી લો.

હવે એક વઘારીયા માં ઘી ગરમ કરી તેમાં સુકું લાલ મરચું, જીરુ અને હીંગ નો વઘાર કરી ગેસ બંધ કરી ને લાલ મરચું પાઉડર ઉમેરી મિક્સ કરી તે વઘાર દાળ માં ઉપર થી રેડો.