દહીં ને એક બોલમાં લઇ બેસન ઉમેરી ફેટી લેવું. હવે એમાં એક ગ્લાસ પાણી ઉમેરી લેવું.

એક માટી ની દોણી મા તેલ ગરમ કરી રાઈ મેથી જીરું ઉમેરી તતડાવી સૂકું લાલ મરચું બાદયા ફૂલ લવિંગ તજ નો ટુકડો લીમડા ના પાન ઉમેરી દહીં નું મિશ્રણ ઉમેરવું. અને ધીમે તાપે ઉકાળવું.

હવે એક બાવલ મા બેસન જીણી સમારેલી ધોઈ ને કોથમીર લીલા મરચા ની ટુકડી આદું છીણેલું લાલ મરચું પાઉડર મીઠું તેલ અને સોડા ઉમેરી હલાવી થોડું પાણી ઉમેરી ડપકા પડે એવુ ખીરું તૈયાર કરવું.

હવે કઢી નો ફ્લેમ ફાસ્ટ કરી આંગળી વડે ડપકા પાડવા. બધા ડપકા પડી જાય એટલે હલાવી ઢાંકણ ઢાંકી ધીમે તાપ પર 10મિનિટ થવા દેવું. ઢાંકણ ખોલી ચેક કરી લેવું. ડપકા ચઢી જાય એટલે માટી ની દોણી મા પરોસવું.

હવે વાઘરીઆ મા ઘી ગરમ કરી લાલ મરચું પાઉડર હિંગ નો તડકો કરી ઉપરથી રેડવો.
તૈયાર છે ટેસ્ટી એવી ડપકા કઢી પીરસવા માટે.