لتحضير عجينة الصابلي تابعو كل الخطوات و اسرار النجاح :
بسم الله الرحمن الرحيم:

نأخذ المرغرين + السكر العادي + السكر الناعم + الزيت + البيض + رشة الملح.
نخلط اما بكف اليد او بالباتور جيداً اقل شيء 5 دقائق الى 10 دقيقة.

🌺 السر 1 : خلط كل المكونات جيداً لمدة 10 دقيقة تقريبا. حتى يصبح المزيج كريمة ملساء و يذوب السكر و ييتجانس البيض مع المواد الدسمة و تختفي كل كتل الزبدة. و يصبح المزيج كريمي ناعم و ابيض اللون.

لاحظو الفرق بين الصورة 2 اللي فيها كتل و الصورة 3 كيف اصبح المزيج بعد تقريبا 10 دقيقة.

في هذه المرحلة يمكن قسم الخليط حسب الرغبة و اضافة النكهات على كل قسم (مثلا اتركي قسم بنكهة الفانيلا ، اضيفي للقسم 2 ملعقتين فلان فراولة + نكهة الفراولة ، اما القسم الثالث اضيفي له ملعقتين كاكاو بني)
هذا كمثال اختياري.

🌺 السر 3 : عجينة الصابلي مستحيل تنجح اذا دلكتيها او عجنتيها.
عجينة الصابلي نجمعها بالأصابع فقط بدون عجن ولا دلك و ذلك لتفادي اطلاق الغلوتين (بروتين الفرينة) الذي يجعل العجينة مطاطية و تتقلص في الفرن.

نضيف النشاء و كمية قليلة من الفرينة و الخميرة الكيميائية و نخلط بالصابع فقط.

🌺 السر 5 : الطهي لمدة 10 دقيقة فقط و درجة الحرارة تتراوح بين 170 الى 180 درجة مئوية. ممكن تحمرو الصابلي قليلا من فوق حتى يكتسب لون ذهبي خفيف.

حبات اخرى عملتهم كيما اي مثل تاع زمان برشة سكر ناعم و معجون / او كراميل فقط.
و المربعات عملتلهم تزيين بشوكولاتة سوداء في مول كريستال.

صورتلكم كل المعدات لي خدمت بيهم باش تاخذو فكرة ❤

الأهم ان عجينة الصابلي هاذي قطعتلي حوالي 53 حبة و تجي هشة و مقرمشة مثل البسكويت 😍
جربوها و أعطوني رأيكم.

شهية طيبة 🥰🌺

🌺 السر 4 : اكتشفته بالممارسة عندما اترك العجينة ترتاح ليلة كاملة في الثلاجة قبل ان نطبعها. هذا يجعل الصابلي يرتاح بشكل جيد قبل التشكيل، و يسهل هذه العملية. و الحبات التي نطبعها لا يتغير شكلها في الفرن و لا يتقلص.

نصيحة لي حبة تدير القلوب بومبي bombés افتحي العجينة ما تكونش رقيقة بزاف حوالي 6 ملمتر و حطي فوقها كيس بلاستيكي و اطبعي الحبي فوق الكيس البلاستيكي كما في الصورة الفوق. و اطبعي كل حبة وحدها حتى تكملي الكمية 🌸 ما تطبعيهمش على ضربة مبعد يتعوجلك الشكل.🤍

الطوابع الي استعملتهم ⬇️

لصقت الصابلي حبات بالمعجون و حبات بكراميل الزبدة المملحة لي حضرتها من قبل.
حبات زينتهم فقط بالمعجون او الكراميل و خطوط شوكولاته
الدوائر زينتهم على شكل هلال بالشوكولاتة السوداء +ملعقة زيت. و زينتهم بفراشات الشوكولاتة البيضاء.
القلوب البومبي عملتهم بشوكولا بيضاء + قطرة معطر الفراولة + ملعقة زيت.

و يبقى التزيين اختياري و حسب الموجود أنا عملت تشكيلة متنوعة بالموجود و يبقى الإبداع ليكم.
كل الكمية داتلي 100غ شوكولاته سوداء و 100غ بيضاء و ربع علبة معجون، شوية كراميل فقط. نحطلكم رابط كراميل اقتصادي ⬇️