تخلطي السميد مع الفرينة ثم تضيفي خليط الزبدة و السمن و الزيت و تبسيهم مليح ثم ديري فتحة في الوسط و تحطي فيها الملح و نفرغو الماء فوق الملح و نبداو نلايمو في العجينة بأطراف الأصابع حتى تولينا طرية

(بالنسبة للتمر تكون الكمية تعادل تقريبا نصف حجم العجينة) بعد ما تنقيه و تتأكدي أنه مافيهش النواة اعجنيه مع ملعقة زبدة طرية حتى تدخل كامل هذيك الزبدة في التمر ثم أضيفي ماء الزهر تدريجيا حتى يولي عجينة طرية

اقسمي العجينة الى نصفين و حلي كل نصف على حدا بنفس السمك و الأبعاد و من جهة بالاستعانة بكيس بلاستيكي افتحي حشوة التمر بنفس الأبعاد تاع العجينة حطي التمر فوق النصف الأول ثم أضيفي النصف الثاني من العجينة فوق التمر و اغلقي على التمر و عاودي حليهم بسمك من 7مم الى 10مم و قطعيهم معينات وطيبيهم في الطاجين على نار متوسطة كيما تطيبو الفطير و شهية طيبة