ناخدو الطنجرة الخاصة بالكسكس

نوضعو الزيت مع قليل الملح

نقطعو البصل مربعات نضيفوهم في الطنجرة مع الزيت نشحرو البصل مزيان على نار هادئة

نضيفو اللحم او الدجاج نشحروهم مزيان

نضيفو التوابل كاملة ونخلطو الكل جيداً

نوضعو الكزبرة ومعدنوس مربوط

نديرو كاس ديال الماء و نخليه يغلى شوية نضيفو كأس الحمص لي غادي يكون مفزك من قبل

نقيو الخضرة كاملة نعاودو نغسلوها

نوضعوها كلها في الطنجرة نضيفو الماء حتى نغطيو الخضرة شوية

ناخدو السميدة نرشوها بالزيت او الماء نفتلوها بيدينا او نعاودوها فشي شبكة تكون عيونها كبار

نديروها فالكسكاس الخاص ديال الطنجرة

نخليوها نصف ساعة

نحيدوها او نوضعوها فالقصرية او نعاودو نرشوها بالماء او نوضعو الملح فالسميدة او نردوها تفور الثاني مرة

نحكو الطماطم او نضيفوها فوق الخضرةنزيدو الفلفل الاسود من الفوق

نعاودو ناخدو السميدة او نرشوها و نخليوها مزيان نرجعوها تفور التفويرة الاخيرة

نوضعوها فالقصرية و نديرو السمن و نحلوها مزيان

نضيفو السمن للخضرة او نبدأ نرتبو الخضرة او اللحم... او بصحتكم