بنبلش بالكيك: بنخلط المواد الناشفة لحال (الطحين والسكر والفانيلا والباكنج باودر والكاكاو) والسائلة لحال (البيض والزيت والحليب)

بعدين بنبلش نضيف الخليط الناشف على الخليط السائل مع التحريك المستمر وبنفس الجهة. لما يصير قوامه ثقيل ومناسب بضيف ملعقة الخل وبحرك نص دقيقة. بعدها بصب الخليط بقالب مدهون زيت وطحين وبدخلها الفرن ساعة.

الصوص: بغلي كاسة حليب وبضيف عليها كاسة كاكاو كاسة السكر كاسة حليب البودرة وكاسة الزيت وملعقة نسكافيه، بخلطهم مزبوط على الخلاط وبحطها بالتلاجة لبين ما تطلع الكيكة.

بس تبرد الكيكة تقريبا بعد ثلث ساعة من طلعتها من الفرن بدهنها بالصوص اللي عملته وبزينها بقطع شوكولاته كبيرة أو مبروشة. بنقدر كمان نقسم الكيكة نصين ونحط الصوص جواها هيك بتصير محشية. وصحتين.