طريقة تحضير العجينة :
في ايناء نضع الفرينة حبة بيض ربع كاس زيت نخلطهم مليح ونضيف عليهم الخميرة وملح نمزجهم مع بعض ممبعد نلمهم بكأس حليب دافي حتا نتحصل على عجينة طرية ومتماسكة متتلاصقش فليد ونخليها تخمر مدة نصف ساعة. كي تخمر نفتح العجينة ونطبعها بطابع مدور وندير الحشو ونشكلهم متلتان كما فصورة ونطيبهم فطاجين وشهية طيبة.

طريقة تحضير الحشو :
فمقلات نديرو زيت تسخن نحطو فيها بصلة مقطعةرقيق نخلوها تتقلا كي يتقلا نرمو عليه صكالوب وملح وفلفل كمون وكركم وخليط شورما نخلهم يتقلاو كي يتقلاو نضيفلهم زيتون و وفرماج ونص كاس كخام فخاش نخليهم معاهم يطيبو مدة زوج دقائق ونطفي عليهم.