نجهز خلطة الحشو.

نسبك الصلصه تسبيكه خفيفه على النار مع الزيت والبهارات والملح.

نضيف الرز المنقوع والمغسول.

نفرم الكزبره ونضيفها للخليط.

هنلف الورق بالحشو بالطريقه العاديه في صينيه تيفال.

نكبس شويه بايدينا على المحشي,عشان يطلع مرصوص كدا وشكله مرتب.

نضيف على الوش شوية صلصه دا اختياري.

نكون مجهزين شوربه مغليه, انا عملت بشوربة البط.

نضيف مغرفة شوربه ونهز الصينيه لحد ما تنزل للطبقات اللى تحت وهكذا مغرفه كمان, لحد ما الشوربه تكون فوق مستوى المحشي بحوالى سم او اقل.

نغطي الصينيه و نحطها على نار عاليه.

غلوتين وابدا اهدي النار.

نسيبه لحد ما يشرب كل الشوربه.

لما يستوى نسيبه يهدى ربع ساعه.