نخلط المواد الجافة كالطحين والسميد، محلب وباكينغ باودر والخميرة.

أضفت الزبدة بعد ما ذوبتها قليلا على النار مع ملعقة زيت. في اشخاص ما بتذوبها بيتركوها بدون براد بتصير طرية وقت الاستعمال وسهلة المزج. نفركها بين إيدنا جيداً بغطيها وبتركها ترتاح فترة من الوقت منهم بيتركوها ليلة كاملة انا تركتها ٦ ساعات فقط.

بعد ما ترتاح الفترة المطلوبة بضيف القطر والحليب على دفعات وبستمر بالخلط بدون مبالغة بعجنهم لتصير العجينة ناعمة الملمس وطرية. ما ننسى ماء الزهر طبعاً.

باخد قطعة من العجين وبضيف عجبنة التمر بسكرها وبحطها بالقالب الخشبي او اي قالب متوفر لدينا. بصير عنا هالشكل الحلو.

بصف المعمول بصينية الفرن جنب بعض وبدخلها فرن محمى مسبقا (من فوق وتحت) على حرارة ٢٠٠ درجة مدة ١٥ دقيقة بدون ما افتح الفرن بفترة الخبز.

وعيد مبارك وكل عيد وأنتم بخير.