بعد ما جهزت العجينه واختمرت, بقطعها دوائر كبار.

بهذا الوقت, بجهز الحشوه بغسل الزعتر منيح وبفرمه مو ناعم, وسط, وبنشفه من الماء.

بفرم حبتين البصل, بحطهم بالمصفايه. بضيف الهم ملعقة ملح. وبفركه فيهم حتى يذبل وتنزل كل ميته. بعصره منيح وبضيفه فوق الزعتر. بضيف السماق والليمون وبحركهم منيح.

بفرد اول كره بالعجينه بزيت الزيتون وبحط بالوسط بخط طولي الحشوه يلي عندي. وبسكرها من على الجناب. بطبقها على بعض وبرجع بحط فوقهم كمان زعتر. وبسكرها على شكل مربع.

بتركها على جنب وبكمل الباقي نفس الطريقه. برجع لاول وحده عملتها وبحط شوي زيت زيتون وبفرد فيها لحتى تصير اكبر, على شكل رغيف والزعتر واضح.

بدخلها الفرن وبحمرها من تحت ومن فوق. وبس تطلع, بغطيها بقماشه وبدهن شوي ايدي بالزيت وبحط عليهم.