كتاخدي دجاجة من بعد ما غسلتها ورقدتها بالملح والخل تاخدي طنجرة وتنزلي فيها دجاجة وتزيدي عليها البصلة اللي قطعتها مربعات وكتزيدي عليها الخرقوم والابزار وسكينجبير والملح وثوم كتحكيه وزيت وتخليه يتقلى من بعد زيدي عليها ربطة المعدنوس والقزبور والماء الكافي اللي يطيب لك دجاجة وغلقي طنجرتك حتى طيب دجاجة وفرتيها الا قطع وزولي العظم وجلدة نهائيا تركي فقط غير دجاج

بالنسبة اللوز كتسلقيه وتنقيه وتقليه وتهرمشيه شوية تخلي طريفات اللوز باينين

هذاك المرقة اللي بقات من دجاج كتخليه يتعسل ونتينا كتحركي مزيان حتى كتقلى من بعد كتقسميه على زوج الجزء الاول كتزيدي فيه شوية زهر وشوية سكر باش يتعسل والجزء تاني كتزيدي عليه البيض وكتبقاي تحركي فيه حتى مايبقاش البيض فيه الماء كينشف

فالاخير كناخدو صينية مدورة او اي شكل تكون كدخل الفرن وكتبقاي تفرشي الورقة ديال البسطيلة وكتخوي الدجاج هوالاول اللي فرتتيه وترشي فوقو اللوز المهمرمش وديري ورقة بسطيلة وتخوي فوقها البصلة المعسلة ومن فوقها ورقة بسطيلة وتزيدي عليها البيض اللي كنا خلطناه مع البصل وتزيدي عليها اللوز المهرمش ومن بعد غطي البسطيلة بالورقة دبسطيلة ودخليها الفرن طيب ومن تخرج زوقها من الفوق بالسكر جلاصي والقرفة