نقمع حبات الباذنجان من العود فقط بالسكين وتغسل عدة مرات

نسلق حبات الباذنجان في حلة كبيرة توضع حبات الباذنجان وتغمر بالماء ونضع صينية ستيل لنغطي الوجه وتثقل بطنجرة ماء

بسلقون ساعة كاملة على نار عالية وبطلع كم حبة وبشوف وإزا حسيت بدن سلق كمان وفيهون قساوة بخليهون ١٠ دقائق

منكون مجهزين ماء باردة بجاط كبير

منطفي الغاز منصفي الماء الساخنة عن الباذنجان ومنحطون بالماء الباردة

فوراً منقمع تاج الباذنجان نضع شق منتصف الباذنجان بالسكين منحشيه ملح ضمة ٣ أصابع يعني قدر ملعقة طعام قلب الباذنجان لازم يكون أبيض لنتأكد إنوا السلق تمام

منكون مجهزين سحارة أو مصفاية ومنلف داير السحارة بالكامل ماعدا الأسفل بأكياس نايلون منصف الباذنجان بالسحارة ومنثقلون يومين

معكون محضرين فليفلة أنا طحنتا بالبيت ونشفتا

نحتاج لكيلو ثوم مقشر ومنفرم الجوز بالسكين

بعد يومين منخلط الفليفلة والثوم والجوز ومنحط ملح ومنراعي ملوحة الفليفلة إزا كانت الفليفلة ملحا مظبوط مامنحتاج ملح

نحشي الباذنجان وتغسل السحارة ومنحط أكياس جديدة ومنرجع منصفون بالسحارة ومنكبسون ٣ أيام وبعدين منمسح الباذنجان ومنصفون بالقطرميز ومنحط ملاعق على الوجه يوم كامل منطبوا بالعكس إزا مانزل ماء منحط زيت وبعد ٣ أيام من التزييت فيكون تاكلوا منون وصحتين وألف عافية

سلقت الباذنجان ٣ وجبات

صحتين وألف عافية بنصحكون تجربوه

منترك القطرميز يومين بدون غطا لإن رح يفور الزيت وبعد يومين منغطيهون وإزا نقص الزيت منزيد عالقطرميز حتى لا تسود حبات الباذنجان