نقطع البصل ونهرس الثوم ونبشر الطماطم مع ازالة قشرها او اخلطيها كله يزبط

نقطع الدجاج ارباع ونغسلها

نشغل القدر على وضع "دجاج" نكشن ع البصل بزيت واذا تغير لونه نحط الثوم إلى ان يتغير لونه ثم الطماطم ثم صلصة الطماطم.. نحرك ثم نخليها تتسبك ٣ د

نحط الدجاج ونخلط بحذر عشان ما ينهرس.. نلف من اليمين وندف من اليسار.. ثم نتركها تتشوح عشان التقميرة 🥰

في هذي الأثناء نعمل عجين المطازيز نضع الدقيق ورشة الملح ونصب الماء بالتدريج إلى ان تبدا العجينة تنلم على بعضها وما تلزق بس إذا كانت تلزق مافي مانع تضيفي شوي زيت زيتون عشان تنلم ثم نتركها ترتاح

نفتح الدجاج بعد ما استوى ونضيف البهارات كلها وبعضهم يحبون يضيفونها قبل عشان تطبخ بها الدجاج ونحط الخضار.. نشغل القدر على وضع "مطازيز" ونضع الغطاء بدون ما نقفله بإحكام فقط تطبخ الخضار إلى ان نشكل المطازيز

خذي كورة مطازيز على يدك اليسار وافرديها بيدك اليمين مع مراعاة انه إذا كانت يدك تلزق فيها تدهنين قليل زيت زيتون قبل.. افردي المطازيز وبحذر حطيها على المرق.. اغمريها بالمرق عشان تبدا تتحول للبني فما تصير تلزق.. لا تحطي ثنتين مطازيز فوق بعض لان بتلزق.. إذا ما كان في مكان وخري بعض المطازيز البنية عن مكان المرق بدون ما تكسرينها.. الفيديو بالملعقة بس توضيح لكن انتي نزليها بيدك

إذا نزلنا كل المطازيز نقفل القدر على وضع "مطازيز" لمدة ٤٠ د

بعد ٤٠ د نفتح القدر ونكب المطازيز بحذر في صحن تقديم كبير وبالعااافية🤤🩷