نجيب نصف صدر دجاج نغسلو مليح ونرحي الدجاج فالاشوار مليح

نرحي حبة بصل صغيرة مع 3سنات ثوم ونجيب مقلاة نحط فيها م ك زيت ونحط عليه البصل ونقلي البصل مليح

نقلي البصل مليح ثم نضيف نصف صدر دجاج مفروم ونحلو مليح ونضيف الملح وتوابل الدجاج والكركم وراس الحانوت وفلفل اسود ونقلي الكل مليح

نحط كمية من المعدنوس المقطع رقيق حبات من الزيتون الاخضر نقطعو شرائح

نجيب اوراق الملسوقة شريتها جاهزة من السوبر ماركت ثم نرجع للحشو ونحط عليه ربع كاس كريمة وربع كاس حليب نضيفلو نصف نلعبو فرينة ونخلط مليح ونفرغ الحليب عالحشو ثم نضيف كمية من الجبن الطري ونخلط مليح ونرجع الحشو عالنار حتى يثقال ونطفي النار عليه

نخلي الحشو يبرد جيدة ثم نجيب اوراق الملسوقة وننزع الورق الشفاف الموجودة بين كل ورقة ونطويها كما فالصورة

نجيب اوراق البوراك (الملسوقة) ونطوي الورقة الاول كما فالصورة ونحط كمية من الحشو ونطوي ونشكل حربوش كما فالصورة وبنفس الطريقة حتى نكمل كامل الاوراق

بعد ماكملت تشكيل البوراك نغطيه بورق شفاف ونجيب مقلاة نحط بيها كمية غزيرة من الزيت ونخليه حتى يسخن مليح ثم نحط البوراك نقليه

نقلب البوراك من الجانبين حتى يتحمرو مليح ونجيب كسكاس ونحط البوراك يتقطر من الزيت

فالاخير شكل بوراك الأعراس قدمتو مع حساء الخضار