نخلط السميد، طحين الفرخة، الباكين باودر والملح.
من زيد الزبدة الطريّة و ماء الورد ونفرك السميد بين إيدينا ليتغلّف بالزبدة، حوالي ٣ دقائق. منرجع من زيد الماء ونخلط ليصير المزيج متجانس.

ندهن صينيّة بالطحينة، من مدّ عجينة النمّورة ومن قطّعها بالسكين متل ما منحبّ. من زيّن وجها باللوز أو أي نوع قلوبات. لازم نترك العجينة ترتاح على الأقل شي ٤ ساعات قبل الخبز.
أنا حضرتها باليل وتاني نهار الصبح خبزتها.
ضروري ترتاح وإلّا ما رح تطلع طريّة.
خلّي الصينيّة برا البراد.

وقت الخبز، من حمّي الفرن على حرارة ١٨٠ درجة مئوية. من دخّل الصينية على الفرن حوالي ٣٥ ل ٤٠ دقيقة، وآخر ٣ ودقائق من حمّرلها وجها.

بهالوقت منعمل القطر.
على نار معتدلة من زيد كل مكونات القطر ما عدا ماء الورد. من حرّك ليذوب السكر. من خفّف النار ومن خلّي القطر على النار ليسمك شوي، حوالي ١٠ ل ١٥ دقيقة. منرجع من ضيف ماء الورد ونتخلّص من قشر الليمون.
بس يخلص وقت خبز النمورة، من زيد القطر الساخن على وجها هيّ وسخنة كمان.

وألف صحتين