في اناء نضع الحليب والماء مع السكر و خميرة الخبز نخلطهم مع بعض ونضيف عليهم القليل من الفرينة ونخلط ونغطيهم يتفاعلو ثم نضيف الفرينة والخميرة الكيميائة ونجمع ونتركها طرية ثم نضيف المرغرين وندلكها قليلا ونغطيها تختمر

من جهة اخرى في مقلات نضع الطماطم بعد ماكنت رحيتها نضيف عليها الثوم مبشور والتوابل المذكورة والزيت نحطها فوق النار نضيف الطماطم المصبرة نخلط الكل مع بعض نضيف الرند والزعيترة والقليل من السكر و نخليهم فوق النار حتى نتحصل على صوص نتركها تبرد جانبا

ناخذ العجينة بعد ما اختمرت نشكل وحدات ونفتحهم بشكل دائري ونثقبهم بالشوكة ونوضعهم في صينية مفرشة بالورق الطهي نضع صلصة طماطم والجبن المبشور ونزين بالزيتون والمعدنوس وندخل الصينية لفرن مسخن مسبقا على أعلى درجة ونخرجهم كي يجهزو وبصحتكم