نبدأ بأهم اشي بالبيتزا وهو العجينة بنصحكم تجربو هاي الطريقة لانها كثييير بتجنننن مش شوي نبدأ منحط في وعاء غميق ٢ كوب حليب دافي_ و ١ونص ملعقة كبيرة خميرة فورية _ و ا ونص ملعقة كبيرة سكر _وظرف بيكنج باودر منحركهم منيح ومنضيف عليهم نص كوب لبن (زبادي) ومنحرك ومنضيف عليهم ٢كوب طحين ابيض ومنحركهم منيح ومنغطيهم ببلاستيك ومنلفهم في بشكير و منتركهم 10 دقائق لحتى تختمر بعد ما تخلص العشر دقائق منحط عليهم نص كوب زيت زيتون ومعلقة صغيرة ملح و ثلاث ونص كوب طحين منضيفهم تدريجيا يعني شوي شوي ومنعجن منيح

منعجن مدة ربع ساعة لحتى تتكون معنا عجينة طرية وناعمة مندهن الوعاء الغميق بشوية زيت زيتون ومنحط العجينة فيه ومنحط على وجهو شوية زيت زيتون ومنلفها ببلاستك وبرضه بشرشف ومنتركها تختمر لمدة ساعة بمكان دافي بعد ما تختمر منطلعها ومنحط على المكان اللي بدنا نحط العجينة فيه طحين لحتى ما تلزق لما نقطعها ومنقطعا اربع او ثلاث اقسام ومنفرد كل قسم بالشوبك الشوبك منحط شوية زيت عليه لحتى يفرد العجين معنا بسهولة ومنجيب الصواني مندهنا بزيت ومنفرد العجينة بالصواني ومنتركها ترتاح 10 دقائق

طريقة تحضير صلصة البيتزا في طنجرة خاصة حطي فيها الزبدة والزيت وخليهم على نار متوسطة ضيفي البصل المفروم وحركيه لمدة ثلاثة دقائق وضيفيله الثوم المهروس وحركيهم مع بعض بعديها ضيفيلهم الفلفل الاخضر المفروم فرم ناعم والعشر حبات بندورة المفرومات برضه فرم ناعم البندورة لااازم تكون مقشرة وضيفيلهم (رب البندورة_و السكر _و الملح _الاوريجانو_والريحان_والفلفل_والشطة)وحركيهم وتركيهم يتماسكو ويتجانسو مع بعض وتركيهم يغلو ربع ساعة لحتى تصير الصلصة سميكة

طريقة تحضير الحشوة انا عن نفسي بحوس الحشوة شوي على الغاز حسب كل حدا شو بحب بحط مكونات الحشوة اول بحط الزيت وبعديها الفطر وبشوحو شوي لحتى يستوي وبعديها الفليفلة الحلوة المبونة تا تسوتي وبحركها مع الفطر وبعديها السجق والزيتون وبحط ملح وفلفل اسود عليهم وبس يخلصو بتركهم على جنب الطنجرة او القدر يكون وساع لحتى يسع الكمية منيح

بعد ما فردنا العجينة وتركنا ترتاح منفرد صلصة البيتزا فوقيها وبعديها الحشوة وجبنة الشرايح والزوريلا ومنشغل الفرن منحمي منيح ومنخبزهم عن نفسي ما كترت جبنة المزوريلا حطيت حسب كيف بحبوها وعوافي يارب 💋