بسم الله، في جفنة ندير الفرينة، السميد، الملح السكر وخميرة الخبز ونخلط كامل هذي النواشف.

ثم نزيد الزيت ونبسس مليح وبعدها نشعل النار على الطجين أنا استعملت نتاع الحديد ونخليه يسخن

نضيف حبة البيض على الخليط ونخلط مليح ونجمع العجينة بالماء حتى الحصول على عجينة ما تكونش يابسة بزاف لازم شوية طرية

نأخذ ورقة الطبخ ونحطها على سطح العمل ونفرد العجينة بالإستعانة بكيس بلاستيكي حتى الحصول على السمك المرغوب فيه ونثقبها بواسطة شوكة.

بعدها نرفد العجينة بالورق ونحطها في الطجين ونبقى نحرك فيها حتى تحمر مليح من كل نواحي هاذ الجهة، و نقلبها برفق بواسطة الاستعانة بمنديل المطبخ ونبقى نحرك فيها حتى تحمر مليح.
شهية طيبة للجميع ؛