باول خطوة سلق اللحمة بنحطها بطنجرة الضغط بعد ما نكون غسلنا اللحمة مزبوط نضع عليها بصلة ورق لورا وحب الهيل وفلفل اسود واول ما بتطلع الزفارة تبعت اللحمة بنشيلها وبنضغط الطنجرة لمدة نصف ساعة

بطنجرة تانية بنحط اللبن مخيض او الشنينة مع الجميد السائل على غاز وبنضل نحرك فيهم لحتى يغلو ﻷنه اذا ما تحرك للغليان رح يفرط اللبن

بعد غليان اللبن بنحط بهارات المنسف وبس يبلش يتقل اللبن بنحط اللحمة على اللبن لحتى تاخد من طعم اللبن بنخليها كم غلوة وبنطفيها

الرز بننقعه بماء دافية لمدة نصف ساعة بعدها بنفلفله عادي بشوية زيت وسمن بلدي والكركم

اخر شي صحن التقديم بنحط خبز الشراك البلدي بعدها الرز وبعدها اللحمة وبنرش البقدونس والمكسرات وبصب لبن على الرز

بنصحكم تجربوها كتتتتير زاكية

صحة وعافية على قلبكم