الفطير المشلتت
الفطير المشلتت من ابسط و اسهل و اوفر الحاجات الحلوة اللي ممكن نعملها بمكونات بسيطة جدا بس لازم نهتم بالتكنيك بتاعه اوي عشان يطلع معانا مظبوط
جربوا الوصفة دي و مش هتفشل معاكوا انا متأكدة و طعمها خرااافة ❤❤
الفطير المشلتت
الفطير المشلتت من ابسط و اسهل و اوفر الحاجات الحلوة اللي ممكن نعملها بمكونات بسيطة جدا بس لازم نهتم بالتكنيك بتاعه اوي عشان يطلع معانا مظبوط
جربوا الوصفة دي و مش هتفشل معاكوا انا متأكدة و طعمها خرااافة ❤❤
الخطوات
- 1
اول حاجة هنحط الدقيق و الملح والسكر و نقلبهم كويس.
- 2
بعد كده هننزل بالميه حبة حبة لغاية ما تتكون معانا عحينة طرية و متماسكة.
- 3
هنقسم العجين نصين و نكورهم بالشكل ده
- 4
هنحطلها في طبق مدهون سمنة سايحة و ندهنا بسمنة من عالوش.
- 5
و نغطيها بكيس طعام و نسيبها ترتاح نص ساعة.
- 6
بعد ما ترتاح هناخد كورة و نرش دقيق عالرخامة و علي وش العجينة و عالنشابة و نفردها علي اد ما نقدر لغاية ما تبقي رفيعة جداااا بالشكل ده بايدينا و بالنشابة هنلاقيها بتتفرد معانا بسهولة اوي بس منشدش اوي عشان متتقطعش. طبعا انا الرخامة عندي ماقضتش فنزلت لتحت 😃 و كل ما تشديها بايديكي يكون احسن طبعا عشان احنا عايزين نفردها و تبقي رقيقة جدا زي الصورة كده.
- 7
هنحط علي نص العجينة اللي احنا فردناه سمنة سايحة و نوزعها بايدينا و نطبق النص التاني عليها و بعدين نحط سمنة سايحة علي نص و نطبق النص التاني و هكذا لغاية ما في الاخر هيبقي عندي مستطيل صغير نشكله علي شكل كورة بس منعجنوش احنا يدوب هنلم اطراف المستطيل في بعضها عشان تبقي شبه الكورة ، احنا اصلا لو حاولنا نعجنها مش هنعرف لان العجينة مش هترضي تمسك في بعضها.و نسيبها ترتاح شوية تقريبا ربع ساعة.
- 8
بعد كده بنفردها في صينية مقاس 30 او اكبر عشان العحينة كبيرة و بنحط علي وشها سمنة و رشة سكر و ممكن نحشيها من جوه اي حاجة و ممكن نعملها حادقة براحتنا. والصينية بردو بتكون مدهونة سمنة. طبعا كل كورة بتعمل صينية من دي. و بندخلها الفرن علي اعلي درجة حرارة لغاية ما وشها يحمر.
- 9
ده شكلها بعد ما طلعت من الفرن و بالهنا والشفا ❤
- 10
مورقة و مقرمشة من بره و طرية من جوه 😍😍
- 11
في ملحوظة مهمة اوي. الفطير المشلتت بيتعجن بميه بس مبنحطش عليه اي حاجة تانية لا بيض ولا خميرة و لا لبن و لا اي حاجة فا لازم نهتم جدا بالسمنة او الزبدة اللي هنحطها لان دي المصدر الوحيد للفطير اللي هيخليه مورق و طري و حلو ، لو حطيتوا سمنة قليلة اوي الفطير هيطلع ناشف و ملوش طعم خالص ، فلااااازم تهتموا بكمية السمنة و الزبدة في الفطير و منبخلش ابدا علي الفطيرة بشوية سمنة 😃😃 لان ده سر الفطير المشلتت. كمان حاجة ، نوع الدقيق مهم جداااا ، لازم دقيق خاص بالمخبوزات او البيتزا او العيش مينفعش دقيق كيك ولا دقيق جميع الاعراض طبعا لان العجينة هتمط معاكي و تبقي عاملة زي الاستيك و هيبقي صعب عليكي تفرديها ، ممكن نستخدم دقيق جميع الاغراض بس هتتعبي في العجن و الفرد شوية و هتسيبيها ترتاح كتيير ، فاأفضل دقيق هو دقيق المخبوزات هيطلعها حلوة جدا. يا رب اكون قدرت اوصلكوا الطريقة كويس و جربوها و مش هتندموا ان شاء الله ❤❤
وصفات مشابهة
-
-
-
-
فطيرة الراعي بحشوة كريمية غنية
#التحدي_الالماسيالتحدي الحقيقي انك تتحدي تلاجك الفاضية)فتحت وطلت كل البواقي اللي بالثلاجة و وطلع معي هالطبق الزاكيصراحة اولها كنت بدي اعمل الخلطة مع معكرونةبعدين قلت لا بضيفلها كريمة وبفلفل جنبها رزاخر اشي بس دقت الحشوة سلقت بطاطا وعلتها فطيرة بتشهي
-
-
-
-
-
-
-
-
فطيرة اللحمة المفرومة بالجبن
#الشيف_الذهبي#النمليه#النمليةهي اكلة مصرية بس انا ضفت لمستي الخاصة عليها استخدمت عجينة الكولاج المنزلي شغل ايدي والحشوة ضفت ليها جبنة ودا اختياري والوجه ضفتلو رشة سمسم وحبة البركة بيدي طعم روعة اتمني تعجبكم
-
-
-
-
-
-
-
-
-
-
-
-
-
-
الفطير المشلتت
بصراحه طعم الفطير مميز وجميل ومعاه العسل والجبنه القديمه أو البيضه مفيش أحلي من كده#أكلات_مصريه
-
-
-
-
وصفات ننصحك بمشاهدتها
التعليقات (48)