نجيب بولا ونحط فيها الدقيق ونجيب كوب ماء ونذوب فيه السكر والملح وننزلهم على الدقيق ونعجن ونزود ماء لغايه ماتدينا عجينه طريه بتلزق شويه مش اووي وتعجبني فيها فالعجان لمده 10دقايق لو مفيش عجان مفيش مشكله ايدينا احلى عجان😂💪👌 نسيبها ترتاح لمده ساعة او اتنين كل ماترتاح اكتر يكون أفضل

بعد ماترتاح نرش رشه دقيق عالرخامه ونفرد العجينه بالمردانه او حتى بايدك هتلاقيها مرنه معاكي تفرديها زي عجينه السينابون كده بعد كده تجيبي الزبده والسمنه بس مش سايحين وتدهينيهم على العجينه كويس تبدأي تلفي العجينه رول وحاولي تضيقي فاللف علشان ذا هو اللي هيدينا الطبقات والتوريقه بعد كده نقطع العجينه 5 قطع ونلم الأطراف على بعض ونقفلها لتحت

ونرصها على صينيه او على ساج نعمل كل العجين بنفس الطريقه ونفرد وجهها وندهنه قشطه او زبده المتوفر ونشغل الفرن على درجه حراره 200 على الرف اللي في النص اول ميحمر من تحت نشغل الشوايه علشان الوجه يحمر

اول مايخرج من الفرن ببخاخ نضيفه ورشي عليه رشه ماء خفيفه ولفيه بفوطه نضيفه وحطي الفرطه في كيس واربطيه هيبقى طري خااالص معاكي وممكن وهو في الفرن قبل ماتشغلي الشوايه تطلعيه وترشي رشه ماء عليه بردو هيكون طري جداً معاكي والف هنا 😋😋