نكون وجدت كسرة الشواط لي هي دقيق و ماء و ملح نعجنها ملييح و نديرها كويرات صغار و نخليها ترتاح مبعد نطيبها كل ثلالث كويرات مع بعضاهم نحلهم فوق بعضاهم و ندير بيناتهم الزيت. نطيبهم في طاجين حديد. و نفتتهم.

نقلي الدجاج مليح ومبعد نقلي البصل، الثوم الطماطم و التوابل، نغلي الفرماس و الطماطم المجففة في شويا ماء و نميكسيها نضيفها للتوابل، نمرقها بالماء نضيف فلفل حار مقطع طراف صغار و دبشة.

بعد ما يطيب المرق نحط طاجين الطين فوق نار هادئة ندير طبقة كسرة الشواط نسقيها بالمرق ونزيد طبقة ونسقيها حتى نعمر الطاجين تاعنا بعدها نخليه دقيقة يتجمر شويا و نضيف فلفل حار ني مقطع طراف فوق الطاجين وطراف زبدة ودبشة مقطعة و نزين بالدجاج بعد ما نكون حمرتو فالفور. و تكون الشخشوخة جاهزة نقدمها فالطاجين.