دجاج محمر في الفرن بطعم الجمر

#الشيف_الذهبي ( تشهينا الدجاج المحمر على الجمر تاع البرة وللاسف المطاعم تغلق بكري مع الحجر، أيا والو ماتتلفليش ڨاع درتو في المنزل بطريقة جد سهلة والنتيجة زوجي حلف فيا ما بقا يشري تاع برا ،يا حاوجي واش درت في روحي.😜😜 الصراحة طعمها هبال.

اقرأ المزيد...

دجاج محمر في الفرن بطعم الجمر

Meriem Nour et maram @adwak_atbak

المكوّنات

2 كيلودجاج وزن
5 فصوصثوم مفروم
ملعقتين اكلزيت
ملعقة صغيرةفلفل اسود
ملعقة اكلملح
ملعقة صغيرةزنجبيل
ملعقة صغيرةعكري
ملعقة صغيرةكركم
ملعقة اكلتوابل خاصة بالدجاج المحمر تتباع عند العطار
ملعقة اكلخردل
ملعقتين اكلخل
القليل من الزعيترة
علبةياغورت طبيعي
ملعقةزبدة
بصلة كبيرة
قطعةفحم متوسطة الحجم

الخطوات

1

بسم الله ،في الأول نقي الدجاجة جيدا ونغسلها بالماء والملح والخل جيدا ونسللها ونقطرها من بعد نقطعها من جهة الصدر فقط كما في الصورة.
2

في إناء كبير ندير جميع التوابل والزيت والخردل والخل و الثوم الياغورت الطبيعي والزعيترة ونخلطهم مليح وندهن مليح الدجاجة بيهم ونغطيها ونخليها ترتاح ليلة كاملة او ستة ساعات على الأقل.
3

في بلاطو ندير حبة بصل مقطعة شرائح وندير فوقها الدجاجة مفتوحة على صدرها راهي واضحة في الصورة وندير فوقها الزبدة ونزيدلها كاس ماء ونغطيها بالالمنيوم ونديرها في الفرن على 200درجة مدة ساعة من بعد ننزع الالمنيوم ونخليها تتحمر.
4

قبل ما نخرجها من الفرن بربع ساعة ندير قطعة الفحم تتجمر على النار حتى تشعل مليح من بعد نخرج الدجاجة من الفرن ونديرقطعة المنيوم على شكل صحن فوق ظهر الدجاجة وندير في وسطها الجمرة ونفرغ فوق الجمرة القليل من الزيت ونغلق عليها بالالمنيوم وغطيوة على كامل البلاطو باش متخرجش الدخان ونخليها 10 دقائق ونقدمها صدقوني طعمها روعة.