نحمس شوي ثوم مع كزبرة ناشفة بزيت زيتون وشوي من زيت نباتي وبعدها تضيفين فاصوليا خضراء مقطعة وتقلبينها تقليبة وبعدين غطيها واكتمي الغطاء وخليها على نار هادية عشان تطلع الفاصوليا مويتها وتستوي على راحتها واذا جيتي تقلبين الفاصوليا لاتقلبينها بالملعقة انسفيها نسف بالقدر من وقت لثاني وخليها تقريباً على نار هادية نصف ساعة
وجهزي الحمسة اللي تنضاف لها بعدين وهي عبارة عن

ثوم تحمسينه بزيت زيتون وكزبرة ناشفة وفلفل بارد احمر واخضر وتخلينه على جنب وينضاف للفاصوليا اخر شي
وبعد ماتبدا تلين الفاصوليا زين ويتغير لونها تضيفين حبتين طماطم مقشرة ومقطعة صغير ونص ملعقة معجون طماطم وتضيفين الملح طبعاً الملح ماينضاف بالبداية عشان ماتقسى معك الفاصوليا وبعدين تخلينها برضو على نار هادية لين تبدا تنشف ماء الطماطم وقبل تطفين النار بخمس دقائق تضيفين حمسة الثوم والفلفل اللي جهزتيها وخلي جزء للتزيين بعدين
وقلبيه مع الفاصوليا وخليه خمس دقائق وبعدين طفي النار وبالعافية تُقدم باردة