نسلق نصف كيس مكرونه و نضع شوي زيت و ملح

نقطع صدور الدجاج و نقطع خضار على حسب الرغبه انا حطيت - فليفلة ، كزبره ، كوسا ، بروكلي ، بصل ابيض.

نحط البصل بقدر او مقلى و نرش بخات من الزبده و نقلب لين يذبل البصل شوي و نحط الكزبره

نحط الدجاج و نقلبه شوي لين يستوي و نحط عليه البهارات - ملح ، فلفل اسود ، كركم ، بهارات الكبسه ، بهارات مشكله و نص ماجي

نحط الفليفلة و نحركها لين تستوي و نقصر عالنار و بعدها نحط الكوسا و نقلبها لين تستوي و اخر شي البروكلي

نشخل المكرونه بعد ماتستوي و نخليها

بقدر ثاني نحط كريمه الطبخ و القشطة و ٥ ملاعق جبن بوك و صلصه الطماطم و حليب و شوي موزريلا نحرك لين يمتزجون

نضع بعض البهارات في الصلصه - فلفل اسود ، ملح ، اوريجانو ، بهارت كبسه ، بهارات مشكله ، كركم و نحرك

نحط المكرونه عالصلصه و نقلبها لين تتجانس مع بعض نحط

نحط باقي الخضار المعلبة ٥ ملاعق زيتون ، ٥ ملاعق ذره ، ٥ ملاعق ماشروم و نقلبهم

نحط جبن موزريلا و سلايس -مربعات- و جبن البارميزان و نقلبها و نرش اوريجانو

نخلي النار متوسطه لين الصلصه تصير ثقيله شوي

نحط الباستا بالصينية و نرش عليها فلفل اسود ، اوريجانو ، سماق ، جبن البارميزان ، و الموزريلا و نغلقها بقصدير لين يذوب الجبن

و بالعافية 💙 ، و اللي يطبق الوصفه ياليت يشاركني فيها 😻💙 ، instagram:@Heesa_saif