بالطنجرة منحط الزيت والبصل والتوم ومنحرك بعدين البندورة والفليفله والجزر و دبس البندورة ومنحركون ليدبلوا

منضيف جميع البهارات مع حبات الهيل والقرنفل وورق الغار

هلق منضيف الفروج ومنحركون منيح مع بعض لحتى الفروج يتشرب من التتبيله وبعدين منضيف لتر ميه ومنحط حبات اللومي بس غلت الميه منطالع حبات اللومي ومنفتحون بالسكينة شوي ومنهدي الغاز ومنغطي الطنجرة ليستوي الفروج

بعدمايستوي الفروج منشيلوا من الميه ومنضيف ميه اذا بحاجه ومنحط الرز بعدمايكون منقوع نص ساعه ومنضيف فوقوا الزبيب ومنهدي الغاز ومنغطي الطنجرة ليستوي الرز

منحط قطع الفروج بالفرن لحتى يتحمروا منسكب الكبسه ومنزين بقطع الفروج ولوز وفستق وصنوبر على حسب الرغبه ويقدم بالهنا والشفا يارب 💕💕