أول شي نقطع الدجاج وبعدين نغسلو بالمي والملح والخل منيح وبعدين نسلقو بالمي البهارات لحتى يستوي

بعد مايستوي الدجاج ويبرد شوي بحط البيض بطبق عميق بحط الطحين مع شوية بهارات ناعمة متل الكاري الفلفل الأحمر أي نوع بهارات اختياري

بعدين بغط الدجاج بالبيض منيح وبرجع بغطو بالطحين منيح وقطعة قطعة وصفو بالصينية أو طبق وبحطو بالبراد لمدة نص ساعة أو كتر

وبعد ما أخلص من الكمية بحطن بطبق وشغل فحمة ولفها بقصدير وحطها بنص طبق الدجاج و بحط على الفحمة زيت واتركو لتتدخن وغطيه شي عشرة دقايق لحتى تتنكه بنكهة الشوي

وتقدم مع مايونيز وبطاطاس مقلية

ويالعافية