الشاورما ؛ هتقطعى الفراخ البانية حتت صغيرة خالص وتقطعى معاها فلفل الوان وبصل وتحطيلها ملح وفلفل وكارى وبهارات وخلل كتير (نص كوباية خل) لحد ما تستوى.

الارز : تجيبى 2 كوب ارز بسمتى وعليهم 4 كوبايات مياة و كل ما تكترى رز يبقى ضعفة ماية هنحط سمنى فى الحلة وتحطى كل الرز وتسبية دقيقة يتحمر فى السمنة وتحطى فقويها الماية على طول تحطى الملح ومعها كارى ومرقة فراخ وورق لورى وحبهان وتقلبى كويس وتسبية على نار هادية يستوى.(ممكن تتعمل ب رز عادى بس كل كوباية رز قدمها كوباية ماية عادى)

التومية : علبة زبادى فقيها 3 معالق مايونيز وملح وفلفل وفص توم وتقلبى كويس وتسبية فى التلاجة ربع ساعه.

العيش : يا تحمرية فى الزيت يتحطية فى الفرن لحد ما يتحمص ويبقى لونة دهبى الى بيبقى اخف الى بتحطية فى الفرن

التقديم : تحطى الرز وفوقية العيش متكسر صغير مش كتير وفوقية الفراخ البانية وفوقية التومية