نضيف كل المكونات بالترتيب ونعجن بالخلاط الميكسر او بالايد

رح تتواجد عنا عجينه طرية وبتلزق بالايد

نغطيها حتى تخمر بس بالأول ندهن أيادينا بشوي زيت ونكونها على شكل كرة ونغطيها بنايلون غذائي

هلأ عبال ما تخمر بنحضر الحشو: نضيف زيت بمقلاة ونقطع بصلة على شكل مكعبات صغيرة ونضيف 2 صدر فرخة ونضيف مكعبين مرق او ملح رشة فلفل اسود وبهارات لحمة ونخلطهم

بس ننتبه انو اللحم ما يستوي لازم نص استواء لما نضيف رشة خل انا ما حطيت

هلا بنرجع للعجينة نرش دقيق على المكان اللي بدنا نفردها عليه..نحطها فوق الدقيق ونرش كمان عليها شوي دقيق ونبلش نفرد

نحرص انو ما نخليها رفيعه او رقيقة من الوسط بس من الاطراف لانو بدنا نحشيها

نحضر الصينية اللي بدنا اياه ونحط العجينه عليها نرقق الاطراف ونحشيها جبنة مقطعة (مستطيل) ونطبق عليها لحتى ما نخلص من الاطراف

ونضغط عليهم مشان ما يطلع الجبن. وبالشوكة نمررها على كل العجينه (نخرقها)

ندهن العجينه بصلصة البيتزا و4 فصوص توم مفرومين على الاخر وندهن ونرش شوي زعتر ازا بدنا

نرش جبنة البيتزا ونضيف اللحم اللي عملناه بعدين فلفل حلو احمر اخضر اصفر وبندورة زيتون مخلل ونرش كمان جبنة