نحضر صلصة اللحم ، في قدر غزير نضع زيت زيتون مع زبدة ونحمس البصل وملعقة روز ماري لين يذبل البصل ويصير ذهبي نضيف اللحمه ونقلبها لين تستوي

نضيف البهارات ونقلب لين تنشف اللحمه وتبدي تلزق بالقاع نضيف صلصة الطماطم ونحمس شوي ثم الطماطم ونحرك شوي ونضيف السكر ومرقة الخضار ونخلي القدر 10 دقايق على نار هاديه

ضروري تكون مرقة مو ناشفه عشان تستوي اللزانيا مضبوط وماتكون ناشفه

للبشاميل نذوب الزبدة ونحمس الطحين 3 دقايق بالسلك اليدوي ونضيف الحليب شوي شوي على دفعات وضروري نحرك ومانترك التحريك عشان ما يتكتل، نضيف الملح وجوزة الطيب والجبن السائل والبارميزان والفلفل الاسود ونحرك لين ماتثقل الصلصة

في بايركس غزيرة نكب من صلصة اللحم ثم نصف اللزانيا ثم اللحمه ثم البشاميل ثم جبن موزاريلا وقشقوان وعليها رشة بهارات ايطاليه ثم لازانيا ونكرر الطبقات لين تخلص المكونات

نغلف البايركس بقصدير ونحطها في الفرن 45 دقيقه على حرارة وسط

بس تستوي مانقطعها على طول نتركها تتماسك شوي بعدين نقطعها ، وبالعافيه