بطنجره على الغاز، بنحط كاستين مي مع نص كاس زيت ومعلقة سكر ورشة ملح، بنخليهم يغلو وبنحط فوقيهم كاستين طحين، بنوطي الغاز على الاخير وبنقلب بالطحين حتى يشرب كلو المي وتصير عجينه.

بنشيل الطنجره وبندعك العجينه شوي حتى ما يضل اي تكتلات للطحين، بنترك العجينه تبرد ساعه ولازم تتركوها تبرد.

بتحطو العجينه بالعجانه او بصحن غميق بتستعملو خفاقة الكيك وبتحطو تلات بيضات بتحطو كل بيضه لحال وبترشو فانيلا كميه منيح عشان زنخه وحطو معلقة خل صغيره، معلقة نشا كبيره، نص معلقة بيكنغ باودر وبتعجنوها منيح، بتريحوها خمس دقايق وبتشتغلو فيها.

بتستخدمو كيس بلح الشام واستخدمو المقص حتى يساعدكم بالتقطيع.

القلي: لازم القلي بطنحرة واسعه شوي وزيت غميق حتى تنفش معكم وتقرش حاولو زيت القلي بكون دافي حتى تستوي منيح وحافظو على درجة حرارة الزيت تكون وسط.

بنسقطهم بلح الشام بالقطر البارد.