اول شي بقطع فيلة الدجاج الى قطع صغيرة وبخلين على جنب

بخلط البهارات كلها مع بعض بصحن

بمحضرة الطعام بضيف البيض والخل والزيت وبرش الليمون والجبنة وبخلطن منيح

بضيف البهارات يلي خلطناها فوق الخليط وبرد بشغل المحضرة شوي

بنزل هل الخليط بصحن وبضيف فيلة الدجاج لحال بمحضرة الطعام وبخلطن ليصير ناعم كتير

بضيف فوق الفيليه الدجاج الخليط السابق

برد بخلط كل المواد مع بعضا البعض

اخر شي بضيف ملعقتين الطحين وبرد بخلط

بجيب كيس نايلون وبنزل خليط الدجاج بمدها شوي وبعملها رول بربط الطرف الاول وبحاول طلع الهوا الموجود وبرط الطرف التاني وبلفها بورق قصدير وبسكرا منيح

بطنجرة عل النار بكون حاطا ماء بس تبلش تغلي بنزل المرتديلا وبخليها ساعة مع التقليب كل شوي لا تستوا من كل الجوانب

بشيلها من المي السخنة وبحطها بمي باردة لاتبرد

بشيل ورق القصدير وبشيل النايلون

بقطعا شرائح بخليها بالبراد ساعة بعدين بقدما صندويشات

وقت التقطيع بزينها بشرائح الزيتون